SHAYRI Aankhon ki kahani Teri aankhen Khubsurat Friendship Shayri

Meri aur uski aankhen
kitni milti julti hain
ek jaisi rangat wali hain
farq hai to bas itna sa
meri aankhon mai rang hai uska
uski aankhen khali hain….

Kaise Bhulu Un Zaalim Aankho Ko Mein..
Kar Di Hai Zindagi Meri Bezaar..
Jo Pyaar Ke Badle De Gayin Hai Bas Intezaar..

Doob Jata Hun Unki Aankhon Mein
Gahri Jheel Hain Unki Aankhein

Bah Jata Hun Unki Aankhon Mein
Bahti Nadiya Hain Unki Aankhein

Kho Jata Hun Unki Aankhon Mein
Atha Sagar Hain Unki Aankhein

Jal Jata Hun Unki Aankhon Mein
Jwala Mukhi Hain Unki Aankhein

Bheeg Jata Hun Unki Aankhon Mein
Kali Ghata Hain Unki Aankhein

Kya Se Kya Ho Jata Hun Unki Aankhon Mein
Kaisi Aur Kya Balaa Hain Unki Aankhein..

Teri aankhon se kaash koi ishara to hota
Kuchh hi sahi ik jeene ka sahara to hota
Tod dete duniya ki hadon ko ham
Ik baar toone mohabbat se pukara to hota….........

******SANJAY DUBEY*******